Novos obxectivos e ilusións para a iniciativa solidaria Ponte 1 Reto
Por Diego Espiño
Por segundo ano consecutivo un pequeno grupo de pontevedreses, nove nesta ocasión, afrontará algunhas das probas ciclistas máis duras do planeta nunha mestura de superación persoal e iniciativa solidaria.
O equipo Ponte 1 Reto márcase novos obxectivos e novos desafíos, coa intención esta vez de colaborar con Amencer Aspace na adquisición dunha nova bicicleta adaptada coa que ampliar a actividade que realiza todos os luns con Pedaladas destinada a persoas con discapacidade.
"Temos novos retos, nova causa solidaria e novos colaboradores", sinalou un dos intengrantes do equipo, Pablo Fernández, que pasan no deportivo por "atravesar o deserto, atravesar a Península e atravesar os montes, os Pireneos", completou Josevi Cimadevila.
Eses retos serán repetir presenza na Titan Desert, unha carreira "catalogada como unha das dez probas máis duras do mundo". Trátase dunha carreira de BTT de seis etapas na que se mestura a resistencia, as altas temperaturas e a navegación no medio do deserto e que empezará o día 1 de maio.
Tras esta cita, no mes de xuño será quenda da Barcelona-San Sebastián, proba de BTT por remudas enmarcada dentro do circuíto Non Stop no que tamén repite a Madrid-Lisboa. Na primeira os participantes deben percorrer sen parar 709 quilómetros, mentres na segunda a distancia é de 770 quilómetros.
Ademais esta vez Ponte 1 Reto inscribirase noutra das probas máis duras do mundo do ciclismo, a Transpyr, proba por etapas que atravesa a cordilleira pirenaica e que se celebrará do 11 ao 17 de xuño de 2017.
Relacionadas:
-
O equipo Ponte1Reto supera o desafío da Transpyr cruzando a cordilleira dos Pireneos
Por Redacción |
-
O equipo Ponte 1 Reto 'vence' a Titan Desert
Por Redacción |
-
Ecuador superado para o reto pontevedrés na Titan Desert
Por Diego Espiño |
-
Lanzarote, primeira parada do ano para o equipo de Ponte1Reto
Por Redacción |
-
Pedaladas pide axudas para que nenos con discapacidade teñan unha bici adaptada
Por Redacción |
-
Facer visible a ELA ben vale ir de Madrid a Lisboa 'do tirón'
Por Redacción |
-
Catro titáns capaces de terminar a Titan Desert
Por Diego Espiño |