Pedaladas pide axudas para que nenos con discapacidade teñan unha bici adaptada
Por Redacción
A asociación Pedaladas está a levar a cabo un proxecto de ciclismo adaptado, en colaboración coas asociacións Amencer-Aspace e Amizade, coa intención de que os escolares con diversidade física, psíquica e sensorial poida ter unha actividade de lecer relacionada coa bicicleta.
Desde que se iniciou este proxecto, un grupo de voluntarios está a participar desinteresadamente nestas actividades. Ademais, a asociación conta cun espazo cuberto no colexio Campolongo para poder practicar cos mozos con discapacidade grazas tamén á incorporación de kars cedidos por Rodas Galicia.
Pero para que o proxecto solidario poida seguir crecendo, desde a asociación alertan da necesidade de conseguir máis bicicletas adaptadas. As que se están utilizando actualmente son todas prestadas por distintas asociacións e empresas.
O custo dunha bicicleta adaptada sitúase entre os 1.000 e os 6.000 euros, unhas cantidades que se atopan lonxe das posibilidades económicas das familias dos menores que desexan ser usuarios destes vehículos. Por este motivo, desde Pedaladas, fan un chamamento para que as entidades ou as administracións públicas faciliten axudas para que se poida desenvolver esta modalidade deportiva adaptada.
Relacionadas:
-
Amencer-Aspace organiza unha gala solidaria para adquirir novas bicicletas adaptadas
Por Redacción |
-
Persoas con parálise cerebral loitan por entrar no mercado laboral
Por Redacción |
-
O Concello tramita a compra dun radar para a Policía Local
Por Redacción |
-
Novos obxectivos e ilusións para a iniciativa solidaria Ponte 1 Reto
Por Diego Espiño |
-
Pedaladas pide que non se usen ós ciclistas como arma no conflito laboral da Policía Local
Por Oskar Viéitez |
-
E ti, sabes circular en bici pola cidade?
Por Redacción |
-
50 coches, 50 bicicletas, 50 peóns ou un autobús. Quen ocupa máis?
Por Redacción |
-
Primeiros pasos para crear unha rede de vías ciclistas na provincia
Por Diego Espiño |