Cuntis, capital provincial da marcha
Por Redacción
A pista de atletismo do campo das Canteiras, en Cuntis, acolleu este mércores a inauguración das Deporte Escolas de marcha atlética que tutela a Deputación de Pontevedra.
Durante o curso, máis de 150 nenos e nenas de Pontevedra, Caldas de Reis, Cuntis e Cangas participan nesta escola, con idades comprendidas entre os 5 e os 15 anos.
A disciplina de marcha atlética foi unha das de maior incremento en solicitude de prazas este ano.
De feito, ás escolas de Caldas, Cuntis, Cangas e Pontevedra súmanse nesta ocasión as postas en marcha en Ponteareas e Vigo.
Ata o momento, ademais da disciplina de marcha, iniciaron a súa actividades as escolas deportivas provinciais de patinaxe, judo, rugby e fútbol.