Vibrante peche do XV Torneo Internacional Junior ITF de Sanxenxo
Por Redacción
O decano nacional dos torneos do circuíto junior ITF, o Torneo Internacional de Sanxenxo, chegou este domingo ao seu final tras a disputa dos partidos definitivos polo título nos cadros individuais.
As pistas do Círculo Cultural Deportivo acolleron primeiro a final feminina, na que a letona Daniela Vismane gañou á xogadora ucraína Oleksandra Andrieieva en dúas intensas mangas (7-5 e 6-3).
Tras ese partido chegou a quenda da final masculina, na que o ruso Alen Avidzba aspiraba a repetir o triunfo da pasada semana en Pontevedra, pero viuse prexudicado polo cambio de pista, de dura a terra batida pola choiva, e acabou cedendo ante o británico Aidan McHugh (6-4 e 6-2).
O cadro de honra completárono en dobres a alemá Irina Cantos e a Suíza Simona Waltert na categoría feminina e os hindús Vasisht Cheruky e Adil Kalyanpur na masculina.
A entrega de trofeos estivo presidida polo deputado provincial Javier Deus, a concelleira Coral González-Faba, o secretario da Federación Galega de Tenis, Gabriel Fernández, e o presidente do Círculo Cultural Deportivo de Sanxenxo, Francisco Hernández.
Relacionadas:
-
Fin de semana de tenis galego no CCD Sanxenxo
Por Redacción |
-
O tenis internacional despídese de Sanxenxo tras as finais do torneo cadete
Por Redacción |
-
Os tenistas galegos dan o callo no IX Torneo Internacional Cadete de Sanxenxo
Por Redacción |
-
O Torneo Internacional Junior ITF de Sanxenxo achégase ás súas roldas finais
Por Redacción |
-
Peche con sabor ruso no V Torneo Internacional Junior de Tenis
Por Redacción |