Primeira derrota do Peixegalego na casa tras caer (65-78) ante o Palma Air Europa
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/c6b/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/58072dd5b1-20161018-diegotorrado-peixe-galego-vs-palma-4.jpg)
© Diego Torrado
![](/web/cache/scene/uploads/fotos/foto/844/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/58072e2a4d-20161018-diegotorrado-peixe-galego-vs-palma-5.jpg)
© Diego Torrado
O Marín Peixegalego perdeu o seu primeiro partido na casa da tempada. Fíxoo por 65-78 ante un Palma Air Europa que fixo valer o seu maior acerto anotador e, sen dúbida, as 48 horas máis de descanso co que chegaban a este partido na Raña que os pontevedreses, que xogaron o anterior partido de liga o domingo -os baleares xogaron o venres-.
Os homes de Javi Llorente empezaron o partido con moita solvencia. Liderados por José Simeón e Jason Cain, colocáronse 13-5 nos primeiros minutos. Pero os visitantes remontaron cun parcial de 4-10 cimentado nunha sólida defensa. Só unha canastra de Manu Ferreiro permitiu aos marinenses acabar o primeiro cuarto por diante (18-17).
Pero se houbo un xogador fundamental para os baleares tras a continuación ese foi un Álvaro Frutos sumamente importante co seu xogo para que os seus puidesen voltear de novo o mando do partido. Con Roger Fornas facendo dano na pintura, Palma Air Europa pechou o primeiro tempo con catro puntos de vantaxe (35-39).
Foi tras o paso por vestiarios cando comezou a xurdir a figura do MVP Tim Derksen para un Marín ao que Javi Llorente espoleaba con forza desde a banda.
O tirador foráneo lograba darlle a volta ao encontro (42-39) transcorridos apenas uns instantes pero de novo o bo facer defensivo dos insulars e grazas ao bo facer de Carles Bivià mantivéronse por diante ao termo do terceiro cuarto (55-59).
Con esa igualdade no marcador quedaba todo por decidir no cuarto e último parcial. Pero a falta de acerto do Marín Peixegalego no tiro exterior e a férrea defensa dos baleares permitiron que o triunfo se decantase ao lado visitante co 65-78 final.
Relacionadas:
-
O Barcelona B non dá opción ao Peixe Galego (67-79)
Por Redacción |
-
O Peixe Galego cede nos minutos finais tras un apertado partido ante o Araberri (82-71)
Por Redacción |
-
Agónico triunfo tras dúas prórrogas do Peixe Galego en Huesca (102-105)
Por Redacción |
-
O Peixe Galego roza a proeza pero termina cedendo ante o Basquet Coruña (71-65)
Por Redacción |