Agónico triunfo tras dúas prórrogas do Peixe Galego en Huesca (102-105)
Por Redacción
Segundo triunfo da tempada, primeiro a domicilio, para un Peixe Galego que segue sorprendendo a propios e estraños na LEB Ouro, despois dun encontro que tivo na man pero que terminou por decidirse nun agónico final (102-105) na cancha do Magia Huesca.
Os de Marín dominaron o partido desde os compases iniciais, abrindo 10 puntos de renda no primeiro cuarto (13-23) grazas sobre todo a unha notable intensidade defensiva.
A vantaxe chegou a ser de 18 puntos mediado o segundo parcial (28-46), cunha gran achega da segunda unidade e o liderado anotador de Tim Derksen (32 puntos), pero o Huesca reaccionou para chegar ao descanso (40-50).
O Peixe mantivo o nivel no terceiro cuarto e cando parecía encarrilar o choque viviu os seus peores minutos dando vida aos locais, que forzaron a prórroga. Empezaba outro partido e a pesar de que os Javi Llorente seguían levando a iniciativa non conseguían romper o marcador ao seu favor.
Tiveron que esperar ao segundo tempo extra para, cun parcial de saída de 0-6 e Andrés Miso (21 puntos) martilleando ao rival en ataque, decidir finalmente a balanza ao seu favor.
Consulta aquí as estatísticas do partido.
Relacionadas:
-
O Barcelona B non dá opción ao Peixe Galego (67-79)
Por Redacción |
-
O Peixe Galego cede nos minutos finais tras un apertado partido ante o Araberri (82-71)
Por Redacción |
-
Primeira derrota do Peixegalego na casa tras caer (65-78) ante o Palma Air Europa
Por Redacción |
-
O Peixe Galego roza a proeza pero termina cedendo ante o Basquet Coruña (71-65)
Por Redacción |
-
Miso e Derksen guian ao Peixe Galego a vencer ao Melilla (78-72) no seu debut en LEB Ouro
Por Redacción |