Primeiros amigables da pretempada para os equipos do Waterpolo Pontevedra
Por Redacción
O Club Waterpolo Pontevedra desprazou a dous dos seus equipos a localidade portuguesa de Porto, a pasada fin de semana, para inaugurar a súa pretempada.
Ambos se enfrontaron ao Clube Fluvial Portuense, con dous partidos para o conxunto absoluto e outros dous para o cadete.
A pesar das derrotas, o cadro absoluto, no que viaxaban seis xogadores en idade xuvenil, aproveitou a cita para mellorar o seu nivel medíndose a varios xogadores internacionais.
Pola súa banda os cadetes tiveron enfronte a xogadores de maior idade e tamaño, o que supuxo unha oportunidade para traballar na corrección de erros que lles poden penalizar no futuro ante equipos da súa categoría.
A pretempada continuará o vindeiro sábado 24 con varios partidos no Centro Galego de Tecnificación Deportiva de Pontevedra ante o Pabellón Ourense.