O waterpolo galego levanta o pano da tempada no CGTD
Por Redacción
A piscina do Centro Galego de Tecnificación Deportiva de Pontevedra será escenario o vindeiro sábado, 1 de outubro, do inicio da tempada oficial no waterpolo galego.
A instalación pontevedresa acollerá a Supercopa Galega en categoría masculina e feminina, na que se enfrontarán os equipos do Waterpolo Pontevedra e CW Coruña.
A final masculina disputarase ás 17:00 horas, entre dous conxuntos que se repartiron as últimas tempadas todos os títulos autonómicos e preséntanse de novo como rivais a bater na liga que comeza o día 8.
Pola súa banda na categoría feminina, con partido fixado para as 18:30 horas, o equipo pontevedrés tentará continuar coa súa progresión e achegarse ao CW Coruña, que o ano pasado gañou liga e copa.
A entrada para ambos os partidos será de balde.