Punto de partida ao cuarto ano do Poio Pescamar na elite
Por Redacción
O pavillón municipal da Seca acolleu este luns o primeiro adestramento do curso 2016/2017 para un Poio Pescamar que aspira a seguir crecendo en Primeira División.
O equipo vermello, con Marcio Santos de novo ao mando na súa segunda etapa no club, afronta a súa cuarta campaña na máxima categoría do fútbol sala feminino nacional, e faino tras recuperar a xogadoras que foron clave nos seus éxitos recentes.
Entre as futbolistas citadas á primeira sesión atopábanse Cecilia Puga, campioa de liga o pasado ano con Burela, e a gardameta internacional Silvia Aguete, que tras un ano de parón regresa á competición de elite.
Xunto a elas compareceron sobre a pista outras dúas fichaxes como Patri Corral (Orvina) e Jessi Lores (Leis Pontevedra), e xogadoras que repiten no equipo como Charo, Jessi, Ale de Paz, Suki, Jenny e a xuvenil Carolina, que pasa a formar parte do primeiro equipo. Ademais realizarán a pretempada cinco canteirás: Laura, Yoli, Marta Gago, Rosales e Ana.
As novidades péchanse no apartado técnico, xa que Anita Fragueiro, ex-futbolista do Leis, incorpórase como preparadora física, mentres Kiko López será o responsable da preparación das porteiras do equipo.
Relacionadas:
-
O Poio Pescamar empata con Cidade de As Burgas (3-3) na presentación ante o seu público
Por Redacción |
-
Primeiro exame de pretempada para o Poio Pescamar
Por Redacción |
-
Goles para o Poio Pescamar coa fichaxe de Patri Corral
Por Redacción |
-
Ceci regresa ao Poio Pescamar
Por Ramiro Espiño |
-
A cuarta tempada o Poio Pescamar na elite arrancará o 10 de setembro en Pamplona
Por Redacción |
-
Marcio Santos regresa ao Poio Pescamar
Por Redacción |