Bea Gómez e Águeda Cons poñen o broche de ouro ao Nacional de Verán con dúas medallas máis para o Galaico
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Broche de ouro para o Club Natación Galaico no Campionato de España de Verán Absoluto e junior de Las Palmas de Gran Canaria.
O club pontevedrés sumou dúas medallas na última xornada de competición, pechando a súa participación con cinco metais.
Bea Gómez foi terceira na final absoluta dos 200 estilos, cun tempo de 2:15.73 que lle valeu a medalla de bronce, pero a estrela absoluta do campionato para o Galaico foi Águeda Cons.
A pontevedresa sumou este domingo o seu cuarto metal (dous ouros e dúas pratas) cun ouro nos 400 libre junior. O seu tempo (4:15.47) ademais valeulle para sumar un extraordinario cuarto posto na categoría absoluta e bater o record galego na súa idade, sendo só superada polas internacionais Mireia Belmonte, Melani Costa e María Vilas.
Na mesma proba, os 400 libre, Paula Goyanes foi décima (4:23.12), Lara Gómez quinta na categoría de 17 anos (4:30.80) e Inés Gómez novena en 16 anos (4:31.29).
Relacionadas:
-
Águeda Cons, obxectivo Tokyo 2020
Por Diego Espiño |
-
Águeda Cons e Paula Goyanes, na concentración nacional de augas abertas
Por Redacción |
-
Bea Gómez debuta no tríatlon "por diversión" en Arteixo
Por Diego Espiño |
-
Futuro garantido no Club Natación Galaico
Por Diego Espiño |
-
Águeda Cons suma a súa segunda medalla individual no Nacional de Verán
Por Redacción |
-
A remuda 4x200 dálle ao Galaico a súa segunda medalla nas Palmas
Por Redacción |
-
Águeda Cons, primeira medalla para o Galaico no Campionato de España
Por Redacción |
-
Oito nadadores do Galaico afrontan nas Palmas o Campionato de España de Verán
Por Redacción |