A emoción do fútbol praia regresa a Sanxenxo
Por Redacción
Apenas uns días despois de gozar da Liga Europea, Sanxenxo volve empaparse do mellor fútbol praia co Campionato de España de Seleccións Autonómicas en categoría senior e xuvenil.
O estadio instalado na area da praia de Silgar acolle unha competición que concluirá o domingo coa gran final, fixada para as 12:30 horas.
Ata entón 12 seleccións autonómicas, entre elas a galega, en categoría senior e oito selecciones na xuvenil dan cor ao torneo, que congrega na vila a máis de 500 persoas entre xogadores, técnicos e persoal de servizo.
De novo con entrada de balde para o público, a competición arrincou este xoves con protagonismo para Galicia, que venceu con claridade o seu primeiro encontro ao golear a Cantabria (7-2) comandado por Ramiro Amarelle e o MVP da Selección Española na recente Liga Europea, Kuman.
En categoría xuvenil o conxunto galego tamén comezou con bo pé ao superar a Cataluña por un apertado 4-3.
Relacionadas:
-
Andalucía e Murcia coróanse na area de Silgar
Por Redacción |
-
O Concello e os empresarios de Sanxenxo destacan a repercusión turística da Euro Beach Soccer League
Por Redacción |
-
Sanxenxo despídese da Liga Europea de fútbol praia con triunfo para España
Por Redacción |
-
Xornada de visitas ilustres e bo ambiente nas bancadas de Silgar
Por Redacción |
-
Emoción e goles no arranque da Liga Europea de Fútbol Praia
Por Redacción |