O porteiro Javi Santana regresa á SD Teucro dez anos despois
Por Redacción
Un vello coñecido do Pavillón Municipal volverá vestir as cores da SD Teucro a próxima tempada. Trátase do porteiro canario Javi Santana, que chegou a un acordo co club para regresar a Pontevedra dez anos despois. Asinou por un ano.
Santana, que militou no conxunto teucrista na campaña 2005-2006, volve ao equipo pontevedrés tras xogar as dúas últimas tempadas no BM Villa de Aranda, equipo co que a pasada tempada finalizou a liga Asobal en sexta posición.
Ademais, a súa fichaxe polo equipo azul supón o seu regreso a Galicia, pois ademais de vestir a camiseta do equipo pontevedrés, Javi Santana tamén militou no Frigoríficos do Morrazo entre 2006 e 2009 e tamén entre 2010 e 2013.
Nas últimas tempadas o veterano porteiro de 36 anos tamén vestiu a camiseta do Anaitasuna, durante a tempada 2013-2014 e do Panserraiko grego, onde xogou na 2009-2010.
"Temos un equipo moi novo pero na portería contratamos madurez e experiencia. Javi Santana ten calidade e moitos anos de voo tanto en División de Honra Prata como na liga Asobal", sinala o técnico da SD Teucro, Quique Domínguez.
O adestrador pontevedrés asegura que "o coñezo ben, é moi profesional e un gran traballador e o seu bo facer viranos moi ben". Santana, segundo Domínguez, "vai achegar oficio e tranquilidade nos momentos importantes da tempada".
Relacionadas:
-
Johnny Medina, un especialista defensivo para o Teucro
Por Redacción |
-
Víctor Rodríguez comunica ao Teucro que xogará no Atlético Valladolid
Por Diego Espiño |
-
Ángel Iglesias, extremo dereito, novo xogador do Octavio que recala na SD Teucro
Por Redacción |
-
O Teucro 'pesca' de novo no Octavio e pecha a fichaxe do pivote Juan Quintas
Por Redacción |
-
O lateral Saúl Campo, terceiro reforzo do Teucro
Por Redacción |
-
Experiencia para a portería do Teucro, que pecha a fichaxe de Lloria
Por Diego Espiño |