Johnny Medina, un especialista defensivo para o Teucro
Por Redacción
O Teucro atopou o especialista defensivo que buscaba ante a previsible saída de Víctor Rodríguez.
Trátase de Johnny Medina, pivote brasileiro de 23 anos que se compromete por unha tempada cos azuis con opción a unha segunda.
Medina chega a Pontevedra procedente do Balonmano Aragón, equipo que se retirou o pasado ano a metade de competición na Liga Asobal por problemas económicos. Antes militara no Ángel Ximénez de Puente Genil e nas categorías inferiores do Barcelona, club que lle trouxo a España no ano 2009.
A pesar de que se incorpora á disciplina teucrista para ocupar un posto importante na liña defensiva "confío en que tamén nos poida axudar en ataque", sinalou o seu novo adestrador, Quique Domínguez.
"Pode actuar en varias posicións aínda que normalmente defende no centro. Ten gran mobilidade, moita capacidade de desprazamentos e é duro e intenso en todas as súas accións", sinalou ademais o técnico pontevedrés da última fichaxe do equipo.
Relacionadas:
-
A fichaxe de Óscar Silva pon a puntilla ao plantel do Teucro
Por Diego Espiño |
-
O Teucro ponse a traballar co obxectivo de "ganarnos el cartel de favorito"
Por Diego Espiño & Cristina Saiz |
-
Zamora-Teucro e Cisne-Gijón na primeira xornada da División de Honra Prata
Por Diego Espiño |
-
O Teucro solicita empezar a liga fóra da casa polas obras do Pavillón Municipal
Por Diego Espiño |
-
Víctor Rodríguez comunica ao Teucro que xogará no Atlético Valladolid
Por Diego Espiño |
-
Ángel Iglesias, extremo dereito, novo xogador do Octavio que recala na SD Teucro
Por Redacción |
-
O porteiro Javi Santana regresa á SD Teucro dez anos despois
Por Redacción |