Loreto Núñez, unha pontevedresa camiño da elite do voleibol nacional
Por Redacción
Por segundo ano consecutivo a pontevedresa Loreto Núñez participará coa Selección Española Sub-17 de voleibol no Torneo Internacional 8 Nacións de Wevza.
A xogadora do Club Voleibol Pontevedra segue dando pasos firmes no seu camiño cara á elite nacional deste deporte. De feito a próxima tempada deixará as filas do CVP para incorporarse á Selección Española Permanente, concentrada en Soria baixo as directrices do adestrador nacional, Pascual Saurin.
Loreto foi convocada para participar neste prestixioso torneo, que se celebrará en Portugal do 28 ao 31 de xullo.
O pasado ano, no seu debut con España, a pontevedresa participou na competición celebrada en Valladolid, na que chegaron ata a gran final caendo no partido definitivo ante Italia.
Relacionadas:
-
A experiencia do voleibol universitario en Estados Unidos en tempos de coronavirus
Por Manu Otero |
-
A Selección Española Sub-17 de voleibol fíxase na pontevedresa Laura Dios
Por Redacción |
-
Gratificante experiencia de Loreto Núñez coa Selección Española Sub-17 de Voleibol
Por Redacción |
-
Un bronce galego que sabe a ouro para o Club Voleibol Pontevedra
Por Redacción |
-
Loreto Núñez regresa cunha medalla de prata da súa experiencia coa selección nacional de voleibol
Por Redacción |