Compás de espera nas renovacións
Por Diego Espiño
Actividade intensa a destas xornadas nas oficinas do Estadio Municipal de Pasarón, onde se seguen dando pasos na composición do Pontevedra 2016/2017.
Pechada a primeira quenda de baixas a comisión deportiva encabezada por Roberto Feáns, co asesoramento de Luisito, trasladou ofertas de renovación a un bo número de fútbolistas.
Ás primeiras propostas a Jandrín e Company únense as trasladadas a algúns dos homes importantes esta campaña, como o gardameta Edu Sousa, o dianteiro e pichichi do equipo Borjas Martín, Campillo, Mouriño, Álex Fernández, Adrián Gómez ou Jacobo.
Nalgúns casos os xogadores pediron tempo para valorar a proposta e noutros existen discrepacias económicas, polo que as negociacións continúan abertas.
Tamén interesa ao club manter a xogadores novos como Bruno Rivada e Miguel Loureiro. No bando contratio atópase un dos futbolistas que teñen contrato vixente como Tomás Abelleira, apenas utilizado este ano por Luisito e que apunta a unha cesión na busca de minutos.
Polo momento, ademais do propio Tomás e de Kevin Presa, ambos con contrato do mesmo xeito que o cedido Miki, só se chegou a un acordo de renovación con Capi. Pola súa banda producíronse xa oito baixas, as sete confirmadas polo club (Hugo, Bello, Pedro García, Anxo, Carnero, Pablo González e Verdú) e o cedido Álvaro Queijeiro, que regresará previsiblemente ao Deportivo, club que posúe os seus dereitos federativos.
Relacionadas:
-
Luisito, en PontevedraViva Radio: "Las bajas de Pedro García y Anxo me partieron el alma"
Por Alejandro Espiño |
-
Adrián Mouriño, Álex Fernández e Jacobo selan a súa continuidade por un ano máis
Por Redacción | Creada e actualizada
-
Edu Sousa e Adrián Gómez renovan por unha tempada
Por Diego Espiño |
-
Verdú causa baixa e Capi renova co Pontevedra
Por Diego Espiño |
-
Xornada de baixas no Pontevedra
Por Diego Espiño |
-
O Pontevedra ofrece a renovación a Company e Jandrín
Por Diego Espiño |