Verdú causa baixa e Capi renova co Pontevedra
Por Diego Espiño
A renovación do plantel do Pontevedra para a próxima tempada será máis profunda do inicialmente previsto.
Tras as catro baixas anunciadas o pasado luns, de novo as oficianas do Estadio Municipal de Pasarón foron escenario este mércores dunha tarde frenética de negociacións, na que varios xogadores do primeiro equipo achegáronse para negociar o seu futuro coa entidade.
Esas reunións concluíron coa confirmación de que Ramón Verdú non seguirá no Pontevedra a pesar da súa boa campaña, na que foi o lateral esquerdo titular e indiscutible para Luisito xogando 37 partidos de liga. O xerezano recalara na cidade de Lérez o pasado verán procedente do Marbella.
O que si seguirá na cidade de Lérez unha tempada máis é Capi, primeira renovación confirmada, polo que o central cumprirá así a súa terceira campaña como granate.
Onde non se produciron novidades polo momento é nas renovacións de Jandrín e Vicente Company. Ambos os futbolistas móstranse dispostos a continuar en Pasarón, pero existen diferenzas económicas entre ambas as partes.