Campelo non falla á súa cita co deporte popular no XXIX Maratón de Fátima
Por Diego Torrado
Un ano máis, e van 29, Campelo cumpriu coa tradición deportiva da súa carreira popular, o Maratón de Fátima.
A proba, organizada pola Asociación de Veciños de Campelo, contou con preto de 250 atletas inscritos nas súas diferentes categorías.
Os encargados de romper o xeo foron os participantes na andaina de 4 quilómetros prevista, servindo de preludio á carreira absoluta de 6 quilómetros, con saída na Praza da Granxa.
Marco Antonio Villaverde foi o atleta máis rápido cruzando a meta en primeiro lugar cun tempo de 22 minutos e 16 segundos. Acompañáronlle no podio masculino Juan Díaz (23:05) e Guillermo Pedrero (23:08).
En categoría feminina a vencedora foi Beatriz Fernández (27:00), seguida de Ángeles Castro (28:42) e Marisé Astorga (29:37).