Primeira rolda de contactos no Arxil para renovar ao plantel
Por Redacción
O Arxil púxose a traballar para coñecer a disposición a continuar das súas xogadoras e avanzar na planificación da próxima tempada.
O obxectivo da directiva pontevedresa pasa por deixar canto antes avanzado cal será o núcleo do equipo o próximo curso na Liga Feminina 2, á espera de concretar máis adiante os "dous ou tres fichaxes" que se espera acheguen o salto de calidade para volver pelexar polos postos de honra da categoría.
Mayte Méndez comezou a tentear ás xogadoras, xa que o obxectivo é lograr a continuidade da maioría, aínda que nalgún caso motivos laborais poden dificultar a negociación.
Interesa que sigan no equipo Ana Román, María Lago, María Centeno, Carla Fernández, Sandra Entenza, Ana Martín e Cristina Díaz-Pache, ademais das vinculadas ao filial como Aldara Vázquez, Fany López, Jara Tuda ou Andrea Carrera, segundo sinalan desde o club.
Caso diferente é o da pivote xamaicana Yanique Gordon. Os seus bos números esta campaña fan que a directiva sopese a súa continuidade, pero dependerá das súas esixencias económicas e intereses deportivos. En calquera caso o seu futuro decidirase antes do verán.
Relacionadas:
-
María Lago, primeira renovación no Arxil
Por Redacción |
-
O Arxil quere loitar polo ascenso
Por Redacción |
-
O Arxil quere loitar polo ascenso
Por Redacción |
-
Aposta pola continuidade no Arxil para a próxima tempada
Por Redacción |
-
O Arxil despide a tempada cunha derrota axustada ante o Araski (63-67)
Por Redacción |