Dura estrea do equipo 'Ponte 1 Reto' na Titan Desert
Por Redacción
Difícil primeira etapa para os catro deportistas pontevedreses que se embarcaron na durísima Titan Desert, carreira de BTT por etapas que se disputa en Marrocos.
Os integrantes de Ponte 1 Reto, equipo que pretende dar visibilidade á loita contra Esclerose Lateral Amiotrófica (ELA), permaneceron máis de sete horas encima da bicicleta para completar a primeira xornada, con 110 quilómetros de percorrido e máis de 2.000 metros de desnivel acumulado con saída e chegada na localidade marroquí de Ifrane.
Todo comezou ben para Pablo Fernández, Josevi Cimadevila, Fran Valiñas e Víctor Pampín. Marchaban entre os 150 primeiros clasificados ata que o grupo no que circulaban, duns 50 deportistas, confundiuse nun cruzamento, o que lles obrigou a realizar case 35 quilómetros extra e elevou o esforzo necesario para chegar a meta.
Os primeiros pontevedreses en chegar ao final da etapa foron Fran Valiñas e Pablo Fernández, tras 7 horas e 12 minutos de carreira. Despois chegaría Josevi Cimadevila no posto 252 tras 7 horas e 40 minutos, mentres Víctor Pampín marcou a posición 266 con 7 horas e 47 minutos.
O equipo Ponte 1 Reto debe afrontar aínda outras cinco duras xornadas en condicións extremas ata completar o seu obxectivo, finalizar a Titan Desert.
Relacionadas:
-
Facer visible a ELA ben vale ir de Madrid a Lisboa 'do tirón'
Por Redacción |
-
Catro titáns capaces de terminar a Titan Desert
Por Diego Espiño |
-
O equipo 'Ponte 1 Reto' supera o ecuador da Titan Desert e o seu primeiro contacto coas dunas
Por Diego Espiño |
-
Catro pontevedreses para un reto, a Titan Desert
Por Diego Espiño |
-
Deporte e compromiso solidario, piares do proxecto 'Ponte un Reto'
Por José Alberto Graña Pérez |