Poio Artai suma o seu primeiro punto pero escápaselle a vitoria fronte a BM Cañiza (25-25)
Por Redacción
Houbo que esperar ata a xornada 27, a falta de só catro para o final de liga, para que o Poio Artai lograse por fin puntuar. Fíxoo á conta do BM Cañiza, arrincando un empate que ben puido ser vitoria de estar máis acertados nos últimos cinco minutos, nos que deixaron escapar unha renda de catro goles, que parecía decidir o partido.
Os visitantes foron case sempre a remolque, dispoñendo unicamente de vantaxe mínima co primeiro gol e mediado o primeiro tempo (5-6), o resto do partido foi de dominio do Poio Artai, que chegou a dispoñer de rendas de ata catro goles, nos primeiros 30 minutos, retirándose ao descanso con vantaxe (14-11).
Esa renda mesmo chegou a incrementarse na segunda parte, cunha máxima diferenza de cinco tantos (23-18) a falta de dez minutos. O Poio dominou ao seu rival mantendo a dianteira con relativa solvencia ata o últimos cinco minutos. Nese momento, e cando o partido parecía decidido (24-20) os nervios e a ansiedade por conseguir o primeiro triiunfo da tempada, puxeron chumbo nos brazos dos da Seca, que encaixaron un parcial de 1-5, para terminar cedendo un empate (25-25) que polo menos serve para estrear a súa cuadrícula de puntos.
Consulta aquí o acta do partido.
Relacionadas:
-
Poio Artai cede fronte a BM Lalín (23-31)
Por Redacción |
-
Derrotas de Balonmán.com ante BM Chapela (26-28) e Poio Artai en Coia (36-19)
Por Redacción |
-
Balonmán.com non pode co líder Calvo Xiria (23-30) e Poio Artai tampouco se estrea en Lavadores (30-23)
Por Redacción |
-
Balonmán.com certifica a permanencia á conta de BM Artabro (32-36) e Poio Artai cae ante BM Porriño (19-24)
Por Redacción |
-
Balonmán.com gaña nun final de infarto a Granitos Ibéricos (27-26) e O.A.R. supera sen apuros a Poio Artai (34-26)
Por Redacción |