O Poio Pescamar planta cara ao líder pero acaba cedendo na segunda metade (3-0)
Por Redacción
Non puido aguantar o Poio Pescamar o empuxe e poderío das Atlético Féminas Navalcarnero na súa visita á cancha do líder da Primeira División (3-0), pero as vermellas puxéronlle as cousas moi difíciles.
O cadro pontevedrés encerrouse na primeira metade esperando a súa oportunidade á contra, ante un equipo madrileño que se lanzou ao ataque. Aguantaron as de Jorge Basanta cun pouco de fortuna, chegando ao descanso con empate sen goles a pesar de varios lanzamentos á madeira das locais.
Mantívose a tónica no inicio do segundo acto, ata que o minuto 25 o Atlético aproveitou un rexeite a un disparo que pegou no traveseiro para adiantarse por medio de Desi.
Rota a resistencia pontevedresa, Ju Delgado e Ari puxeron o 3-0 no marcados con dous goles consecutivos. Tentou reaccionar entón o Poio Pescamar xogando de cinco, pero non conseguiu crear perigo ante a meta rival.
ATLÉTICO FÉMINAS NAVALCARNERO (3): Estela, Ju Delgado, Ari, Leti, Amelia -cinco inicial- Desi, Marta Pelegrín, María Sanz.
POIO PESCAMAR (0): Irene, Jessy, Charo, Jenny, Yoli -cinco inicial- Elena, Nerea, Pipi.
Árbitros: Héctor Mario López e Carlos Panadero Díaz. Amoestaron a Jenny, Yoli, Elena e Nerea no Poio Pescamar.
Goles: 1-0 Desi (min.25), 2-0 Ju Delgado (min.32), 3-0 Ari (min.33).
Incidencias: Partido disputado no Pavillón La Estación de Navalcarnero ante preto de 300 espectadores.