Mouriño apúntase ao partido ante o Sporting B
Por Redacción
Sorpresa agradable para Luisito no adestramento deste mércores celebrado no campo de Príncipe Felipe.
O técnico do Pontevedra comprobou como Adrián Mouriño completou o adestramento co resto do grupo e ponse á súa disposición para o choque do próximo domingo (17:00 horas) ante o filial do Real Sporting de Gijón.
O centrocampista foi intervido cirurxicamente o luns en Vigo para drenar os restos do absceso hepático provocado pola apendicite que sufriu en decembro.
Tratábase dunha operación leve, cun prazo de recuperación corto que Mouriño empeñouse en demostrar. Dado de alta o mesmo luns, e co permiso dos médicos, incorporouse aos adestramentos tras perderse unha única sesión, a do luns, ademais do choque ante o Izarra.
Agora o futbolista granate deberá convencer a Luisito de que se atopa en perfectas condicións e pode achegar o seu gran de area para que o equipo logre o domingo tres importantes puntos.
Con Mouriño dispoñible, as baixas para este partido, salvo contratempo, serán as de Anxo e Pablo por sanción e Pablo Carnero e Capi por lesión, aínda que ambos, sobre todo o central, atópase xa preto de reaparecer.
HORARIO HABITUAL ANTE O CELTA B
O Pontevedra Club de Fútbol confirmou o horario da xornada 34 de liga, que lle enfrontará ao Celta B no Estadio Municipal de Pasarón. O partido disputarase o vindeiro domingo 17 de abril ás 17:00 horas.
Relacionadas:
-
Pontevedra e Sporting B aburren nun partido infumable (1-1)
Por Ramiro Espiño & Diego Torrado |
-
Pasarón, clave para asegurar a quinta praza
Por Diego Espiño |
-
Cada socio poderá retirar unha entrada de balde para o partido ante o Sporting B
Por Redacción |
-
Sete equipos dispútanse unha praza para a Copa de Rei
Por Diego Espiño |
-
Un descoido defensivo leva á derrota ao Pontevedra ante o Izarra (1-0) nun partido sen fútbol
Por Redacción |