Derrotas do Leis na casa e ADFS Bueu na pista do líder
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Leis Pontevedra afástase da cuarta praza da clasificación da Segunda B tras verse sorprendido na casa polo Cistierna (3-4), nun partido disputado no pavillón de Príncipe Felipe debido ao Campionato de España de Loitas Olímpicas que ocupaba o Municipal.
Os pontevedreses cederon no último suspiro nun partido que dominaran no electrónico.
Aos 8 minutos Dani adiantou aos de Manu Cossío, e no 18 Raúl facía o segundo. Era unha boa renda para o descanso, pero antes do intermedio o Cistierna recortou distancias.
Os visitantes empataron mediado o segundo tempo, pero Pablo Durán puxo en vantaxe de novo ao Leis a falta de tres minutos. Con todo non lograron conservar a renda e o Cistierna remontaría con dous tantos nos dous últimos minutos.
O resultado fai que os pontevedreses caian á sexta praza con 38 puntos.
Pechacancelas segue pola súa banda o ADFS Bueu, que plantou cara ao líder a domicilio (4-1). Completaron unha boa primeira metade, na que só un erro defensivo púxoos en desvantaxe, pero na segunda parte o físico non aguantou e víronse superados con claridade.
Os do Morrazo seguen sendo últimos con 13 puntos, a sete do Sala Ourense.
O LEIS MARCÓN PERDE EN TOLEDO
Non parecía o peor desprazamento da tempada o que debía afrontar este fin de semana o Leis Marcón na Segunda División Feminina, pero as pontevedresesas realizaron un mal partido en Toledo.
Terminaron perdendo o encontro por 3-2 despois de ir a remolque no marcador desde o minuto 8. A derrota deixa ao Leis na décima praza con 18 puntos.
Relacionadas:
-
O Leis Marcón salva un punto ante o San Fernando (3-3)
Por Redacción |
-
Empates para Leis Pontevedra e ADFS Bueu
Por Redacción |
-
Partido internacional para o Leis Pontevedra
Por Redacción |
-
O Leis rabuña un punto en Asturias ante o Boal (2-2)
Por Redacción |
-
O Leis vence ao Ventorrillo, o Leis Marcón empata e o ADFS Bueu segue sen reaccionar
Por Redacción |