A Bea Gómez escápaselle o billete olímpico nos 400 estilos
Por Diego Espiño
Sabía Bea Gómez Cortés que debía achegarse á súa mellor marca para conseguir este domingo o billete olímpico para Río de Janeiro nos 400 estilos, primeira proba que nadaba no Campionato de España Open de Natación de Sabadell e onde contaba cunha gran competencia
Non o logrou con todo a pontevedresa, lonxe do seu mellor tempo na final, na que asinou un quinto posto con 4:43.97.
Desta forma o ouro foi para a inalcanzable Mireia Belmonte (4:33.42) seguida da ribeirense María Vilas, que quedou coa segunda praza olímpica ao rebaixar a mínima esixida e de paso bater o record galego que tiña no seu poder Bea Gómez (4:39.86) para deixalo en 4:38.81. Terceira foi África Zamorano (4:41.39).
Tras quedar sen opcións nesta proba, Bea xogarase todo a unha carta este luns nos 200 estilos, a segunda das distancias nas que aspira a rebaixar a mínima olímpica.
Nos 400 estilos competiron outras dúas nadadoras do Galaico, Paula Goyanes (5:01.32) e Águeda Cons (5:01.83), cuarta e sexta clasificadas na final C respectivamente.
Pola súa banda Daniel Sánchez finalizou este sábado no oitavo lugar da final C nos 50 costas, cun tempo de 28.48.
Relacionadas:
-
Impulsan unha petición popular para que Bea Gómez poida acudir aos Xogos Olímpicos
Por Diego Espiño |
-
Apoio pleno da Federación Española de Natación a Bea Gómez: "Es un talento"
Por Diego Espiño |
-
O soño olímpico esfúmase para Bea Gómez Cortés
Por Diego Espiño |
-
Bea Gómez, incluída no programa 'Becas Podium' do Comité Olímpico Español e Telefónica
Por Diego Espiño |
-
Bea Gómez busca a clasificación olímpica en Sabadell sen marxe para o erro
Por Diego Espiño |