Destacada participación dos padexeiros pontevedreses no Campionato Galego de Inverno
Por Redacción
Os clubs pontevedreses de piragüismo participaron no Campionato Galego de Inverno Individual que tivo lugar a pasada fin de semana no encoro de Pontillón do Castro en Verducido. A proba serviu como arranque da tempada nas ligas galegas de piragüismo, de cara á disputa do Campionato de Inverno que se celebrará proximamente en Sevilla.
Entre os 30 clubs que acudiron á cita con 450 deportistas procedentes de toda Galicia, os padexeiros de Pontevedra destacaron de maneira notable obtendo grandes posicións tanto en categorías masculinas como femininas en veteranos, senior, xuvenil e cadete.
En senior categoría masculina, o triunfo levouno o Kaiak Tudense, seguido polo Club Piragüismo Vilaboa que logrou facerse coa segunda posición. O pódium completábao o Club Breogán do Grove cunha gran terceira posición. Doutra banda na categoría feminina o Club Breogán do Grove si que se impuxo aos seus rivais, alzándose coa vitoria.
En categoría xuvenil masculina o vencedor foi o Club Piragüismo Rías Baixas seguido do Club Piragüismo Illa de Arousa e o Club Náutico O Firrete, segundo e terceiro respectivamente. En categoría feminina destacou o C.E.P Ciudad de Pontevedra impoñéndose ao Club de Mar Ría de Aldán e ao Club Piragüismo Illa de Arousa.
O Club Náutico Pontecesures, o Club Piragüismo Verducido e o Club Piragüismo Rías Baixas foron os tres mellores clubs no cadete masculino, impoñéndose aos seus rivais nese mesma orde. Por outra banda o Club Naval de Pontevedra e o Club Piragüismo Rías Baixas foron segundo e terceiro clasificado na categoría feminina.
Por último, o Club Naval de Pontevedra alzouse co primeiro posto en veteranos, por diante do Club Náutico Betanzos. No ámbito feminino o Club Breogán do Grove fíxose coa terceira posición nunha proba liderada polo Club de Mar Ría de Aldán.
Relacionadas:
-
Preto de 600 piragüistas cítanse no Pontillón do Castro
Por Redacción |
-
Verducido abre a tempada oficial de piragüismo co Campionato Galego de Inverno
Por Redacción |
-
Tono Campos e Natalia García destacan en Verducido co temporal como pano de fondo
Por Redacción |
-
O piragüismo galego afina a súa posta a punto en Verducido
Por Redacción |