A Gimnástica, club galego con máis representación no Nacional de campo a través
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A Federación Galega de Atletismo convocou a sete deportistas da Sociedad Gimnástica para participar no Campionato de España de campo a través que terá lugar o 13 de marzo en Calatayud.
Desta forma o club pontevedrés é a entidade galega que máis atletas achega ao equipo, polos cinco do Lucus Augusti.
No equipo de Galicia da categoría Júnior masculino está convocado Jorge Puig; Joselyn Brea e Rocío Rodríguez no Promesa Feminino; Antonio Serrat no Promesa Masculino e para a categoría Senior masculina foron chamados Rubén Diz, Iván Docampo e Akka Essaadaoui.
Entre os convocados podería causar baixa Joselyn Brea, ao ter previsto participar uns días antes no Panamericano de cros na localidade venezolana de Carballeda, cita á que acudirá representando ao equipo nacional do seu país natal, Venezuela.
En canto ao Campionato de España, a novidade este ano será o cambio de distancias equiparándose a categoría masculina e a feminina. Ambas disputaranse baixo un percorrido de 10.000 metros.