Cada punto en Asobal vale o seu peso en ouro
Por Redacción
A igualdade é máxima na loita pola permencia na liga Asobal de balonmán, na que está metida de cheo a Sociedad Deportiva Teucro.
Os azuis, tras a súa derrota na casa ante o Ángel Ximénez, caeron por primeira vez na tempada a postos de descenso, con 12 puntos, pero atópanse a só tres do oitavo posto que ocupa o Benidorm.
Oito equipos están nunha marxe de tres puntos, polo que o próximo encontro ligueiro en Puerto Sagunto (Sábado 18:30 horas), que avantaxa ao Teucro nun, antóllase como clave na tempada dos pontevedreses.
Tamén o será despois recuperar a súa fortaleza como local, xa que tras Puerto Sagunto afrontarán tres choques no Municipal no prazo dun mes, empezando ante outro rival directo como o Benidorm o día 19 de marzo.
Sábeo un plantel que segue competindo en cada encontro e que necesita sumar o seu primeiro triunfo a domicilio para coller aire na clasificación.
SAMU GÓMEZ, CONVOCADO COA SELECCIÓN NACIONAL JUNIOR
O salto de calidade dado por Samuel Gómez coa súa fichaxe polo Teucro, pasando por xogar en Primeira Nacional a facelo na liga Asobal e con moita presenza no equipo, non pasou desapercibido para o seleccionador nacional junior, Isidoro Martínez.
O xogador azul foi citado para unha concentración da selección española da categoría que se desenvolverá do 20 ao 23 de marzo en León.
Relacionadas:
-
Tardía reacción sen premio para o Teucro na súa visita ao Puerto Sagunto (34-29)
Por Redacción |
-
Quique Domínguez non considera "decisivo" o importante duelo ante Puerto Sagunto
Por José Alberto Graña Pérez |
-
O Teucro protagoniza o seu peor partido no momento máis inoportuno e cae fronte a Ángel Ximénez (20-21)
Por Ramiro Espiño & Diego Torrado |