Alberto Guerrero, medalla para a Gimnástica no Nacional Sub-23
Por Redacción
Notable actuación de Alberto Guerrero no Campionato de España Promesa de Pista Cuberta celebrado en San Sebastián, onde conseguiu a medalla de bronce.
O atleta da Gimnástica foi terceiro nos 800 metros nunha carreira moi táctica que se decidiu no sprint final con só unha décima de diferenza entre o gañador, Saúl Ordóñez (1:53.53), e Alberto Guerrero (1:53.65).
Non tiveron tanta fortuna nas súas actuacións o resto de atletas dos Gimnástica presentes en San Sebastián. Gonzalo Sánchez-Camacho resentiuse dunha lesión muscular na primeira rolda dos 60 metros que non lle permitiu seguir competindo, Jon Alonso fixo a súa mellor marca do ano pero non pasou o corte nas eliminatorias dos 200 metros, Roberto Tello non logrou entrar na final dos 400 metros e Ricardo Gayá foi décimo na final de triplo salto,
MANUEL HURTADO, QUINTO NO NACIONAL DE MARATÓN
Outro dos focos de interese para a entidade atlética pontevedresa foi o Campionato de España de Maratón celebrado en Sevilla. Alí atopábase o seu atleta Manuel Hurtado, que foi quinto na clasificación do Nacional cun tempo de 2:18:24, record do Gimnástica pero que lle deixou a cinco minutos da mínima olímpica.
Na clasificación xeral do maratón, Hurtado concluíu na décimo sexta posición.
Relacionadas:
-
A Gimnástica centra a súa atención nos nacionais cadete e de lanzamentos longos
Por Redacción |
-
Hurtado acode ao Nacional de Maratón coas prazas olímpicas en xogo
Por Redacción |
-
A Gimnástica terá representación en todos os Campionatos de España en Pista Cuberta
Por Redacción |
-
Dominio da Gimnástica no Campionato Galego de Cros
Por Redacción |