O Ribadumia colle aire cunha goleada en Ribadeo (1-4)
Por Redacción
Vital triunfo do Ribadumia na súa loita por eludir o descenso a Preferente, ao impoñerse no campo do pechacancelas, Ribadeo, por un contundente 1-4.
O cadro aurinegro mostrouse superior ao seu rival e encarrilou o choque xa na primeira metade con dous goles de Changui, o segundo desde o punto de penalti.
O Ribadumia apagou calquera intento de reacción lucense co 0-3 nada máis comezar o segundo acto, por medio de Fran Matos.
Aínda que o Ribadeo recortou distancias desde os once metros, no minuto 56, tres minutos despois Changui completaba o hat trick de novo desde o punto de penalti sentenciando o choque.
O triunfo deixa ao Ribadumia na décimo quinta praza con 28 puntos, con dous de vantaxe sobre a zona de descenso directo.
Consulta aquí o acta do partido.
Relacionadas:
-
Homenaxe a Changui o día en que Ribadumia e Racing Villalbés quedan sen pólvora (0-0)
Por Redacción |
-
Un gol de Changui no último minuto permite ao Ribadumia gañar a final de Noia (0-1)
Por Redacción |
-
Un gol do Alondras no último minuto deixa sen premio o esforzo do Ribadumia (1-2)
Por Redacción |
-
Os defensas deciden o derbi entre Ribadumia e Arosa (0-2)
Por Ramiro Espiño |