Remontada de medalla de Támara Echegoyen e freada ás aspiracións dos Paz
Por Redacción
Támara Echegoyen e Berta Betanzos situáronse no liderado provisional do Campionato do Mundo de Vela de Clearwater (Florida), na clase 49er FX, a falta dunha xornada de competición despois dunha impresionante remontada.
Tras sumar tres triunfos parciais na xornada do venres e outros tantos podios o sábado (segundo, primeiro e terceiro posto), o dúo galego-cántabro acariña a medalla no Mundial e ten a tiro o título.
A falta de tres mangas e a definitiva Medal Race, Támara e Berta avantaxan en nove puntos ás brasileiras Martina Grael e Kahena Krunche e en 18 ás terceiras e vixentes campioas mundiais, as italianas Giulia Conti e Francesca Clapcich.
Peor lle foron as cousas nas últimas regatas a Carlos e Antón Paz, que a pesar de manter intactas as opcións de meterse na Medal Race, viron como Diego Botín e Iago López adiantáronlles na carreira por lograr ser a representación nacional nos Xogos Olímpicos.
Botín e López son sétimos na xeral provisional, mentres os irmáns de Vilagarcía son décimo terceiros a 12 puntos dos postos de Medal Race nunha apertada clase 49er. Con todo, resta un día de competición que pode volver dar un cambio á clasificación.
Relacionadas:
-
Támara Echegoyen estrea en Baleares a súa condición de campioa mundial
Por Redacción |
-
Támara Echegoyen consegue o ouro mundial en Florida
Por Redacción |
-
Os irmáns Paz toman vantaxe na loita pola clasificación olímpica
Por Redacción |
-
Echegoyen e os irmáns Paz, en postos de cabeza nun complicado arranque de Mundial
Por Redacción |
-
Carlos e Antón Paz apuran en Florida as súas opcións de clasificación olímpica
Por Redacción |