Mareantes aséntase na terceira praza ao vencer a Os Ingleses mentres o PRC cae en Lalín
Por Redacción
Claro triunfo do Mareantes na visita ao campo de Monte Porreiro de Os Ingleses de Vilagarcía (36-17).
Os pontevedreses sobrepuxéronse a baixas imporntaes, como as de Driss ou Juancho, e dominaron o choque con tres ensaios en cada parte.
Os Ingleses maquillou o resultado con dous ensaios no últimos cinco minutos, pero non impediu unha vitoria de Mareantes que os consolida na terceira praza da clasificación na Primeira Galega con 21 puntos, mirando xa cara á segunda posición que ocupa actualmente CR Ferrol.
Pola súa banda o Pontevedra Rugby Club caeu derrotado na súa visita ao campo do Coreri Lalín (24-7), nun choque no que non atoparon o seu mellor xogo.
A derrota fai que os rivais do PRC se acheguen perigosamente. Os pontevedreses son quintos con 12 puntos, só un máis que Lalín e tres que o pechacancelas, o Muralla lugués.