A segunda edición da Gladiator Race de Pontevedra abre inscricións
Por Redacción
Este luns, 1 de febreiro, abriu oficialmente o prazo de inscrición para participar na segunda edición da Gladiator Race de Pontevedra.
A proba de obstáculos, que espertou grande interese na súa primeira edición, celebrarase na contorna da Illa das Esculturas o día 4 de xuño, con 3.900 prazas dispoñibles repartidas en tres categorías en función da súa dificultade.
Desta forma 1.800 delas están reservadas para a categoría 'Warrior', que constará de 11 quilómetros de percorrido e un total de 30 obstáculos a superar. Celebrarase pola mañá con 12 quendas de competición.
A segunda categoría será a 'Rocket', con 5 quilómetros, 15 obstáculos e outras 1.800 prazas que competirán pola tarde.
Completará a xornada de 13:00 a 14:00 horas a 'Gladiator Kids', versión infantil dirixida a menores entre os 4 a 12 anos, que deberán participar acompañados dun adulto. Serán 300 prazas para unha proba non competitiva cun percorrido que oscilará entre os 500 e os 1.000 metros en función da idade.
Como novidade a organización, a cargo Qualité Sport Events e AD Top Ten Sport en colaboración co Instituto Municipal de Deportes, confirmou que a Gladiator Race será clasificatoria para a OCR European Championships, unha competición que reúne cada ano aos mellores deportistas das principais carreiras de obstáculos de Europa.
As inscricións poden formalizarse na web www.championchipnorte.com ata o día 30 de maio.
Relacionadas:
-
Pontevedra, cidade de 'gladiadores'
Por Diego Espiño & Diego Torrado |
-
Os terreos de Tafisa e o Miradoiro de Monte Porreiro, novos espazos para a Gladiator Race
Por Redacción |
-
Máis de 2.300 inscritos para a segunda edición da Gladiator Race
Por Redacción |
-
As carreiras de obstáculos chegan ao Lago de Castiñeiras
Por Redacción |
-
Vilagarcía apúntase ás carreiras de obstáculos cun evento baixo teito en Fexdega
Por Redacción |
-
A Gladiator Race anuncia unha segunda edición en Pontevedra para o próximo 4 de xuño
Por Redacción |
-
Nunca me rendo!!!
Por Redacción |
-
Castor Salgado e Andrea Montero, os aventureiros máis rápidos da Gladiator Race de Pontevedra
Por Alejandro Espiño & Diego Torrado |