Antonio Bello chega a Pontevedra convencido de "luchar por algo más bonito que la permanencia"
Por Diego Espiño
O novo futbolista do Pontevedra. Antonio Bello, aterra na casa granate coa lección ben aprendida, situando o "objetivo prioritario" na permanencia, pero coa idea de que "después podemos luchar por algo más bonito".
Así o explicou na súa presentación oficial, no Estadio Municipal de Pasarón, na que recoñeceu elixir a proposta pontevedresa polo "proyecto deportivo ilusionante" do club.
Bello contaba con varias propostas tras desvincularse do UCAM Murcia, pero elixiu a granate polas súas aspiracións, polo interés demostrado por Roberto y el míster" e, sobre todo, pola opinión dun dos integrantes do primeiro plantel do Pontevedra, Ramón Verdú, ao que lle une unha estreita amizade.
"Creo que aquí voy a estar muy a gusto, me tengo que acostumbrar al clima pero es lo de menos", explicou o extremo, que se decidiu a saír do UCAM tras perder este ano a titularidade por mor dunha lesión muscular e vendo que na segunda volta ía contar con poucas oportunidades.
Antonio Bello: "Espero ganarme la renovación"
Como a maioría de xogadores granates, Antonio Bello comprométese co club ata final de tempada, aínda que "espero ganarme la renovación", sinalou en rolda de prensa.
O novo futbolista está en disposición de debutar esta mesma fin de semana en Tudela se Luisito o considera oportuno.
DÚAS OPCIÓNS PARA A DIANTEIRA
Lonxe de dar o persoal por pechada, a dirección deportiva segue a traballar en pechar a chegada dun dianteiro, que supoñería a terceira fichaxe do mercado invernal. "Hemos reducido el abanico", recoñeceu Roberto Feáns, a só dúas opcións, aínda que a operación non se pechará previsiblemente ata a próxima semana.
En canto ás saídas, aínda que se valorou a cesión dalgún dos integrantes do primeiro equipo, agora mesmo "no nos planteamos" a marcha de ningún futbolista, asegurou o responsable da parcela deportiva.
A ASEMBLEA DO CLUB, O 1 DE MARZO
A presidenta do Pontevedra, Lupe Murillo, aproveitou a presentación de Bello para confirmar a data da asemblea xeral ordinaria da entidade, que se celebrará o próximo 1 de marzo ás 20:00 horas, en primeira convocatoria, no Teatro Principal.
Relacionadas:
-
Hugo Rodríguez preséntase con ilusión "por estar en los puestos altos de la clasificación"
Por Redacción |
-
O centrocampista Hugo Rodríguez, novo xogador do Pontevedra
Por Redacción |
-
Luisito recupera efectivos mentres segue esperando ao novo dianteiro
Por Diego Espiño |
-
Catro meses despois o Pontevedra cede a domicilio na súa visita ao Tudelano (1-0)
Por Redacción |
-
Tudela, esixente proba para o bo momento do Pontevedra
Por Diego Espiño |
-
O Pontevedra confirma a fichaxe de Antonio Bello
Por Redacción |
-
Vitoria insuficiente dun mermado Pontevedra en Bouzas (0-1)
Por Redacción |
-
Antonio Bello, do UCAM Murcia, obxectivo do Pontevedra para cubrir a baixa de Tubo
Por Ramiro Espiño |
-
Tubo desvincúlase do Pontevedra para comprometerse co Boiro
Por Redacción |