Lúa Piñeiro queda sen opcións de clasificación olímpica
Por Redacción
As opcións eran remotas, pero esta fin de semana apagáronse por completo. Lúa Piñeiro non estará nos Xogos Olímpicos de Río 2016.
A deportista caldense tiña complicada a súa presenza en Brasil, tendo en conta que non lograra a súa clasificación directa por ránking. Dependía do preolímpico continental de Istambul, no que a Federación Española optou por buscar o pasaporte no seu peso, os -67 quilos, con Marta Calvo.
Marta debía lograr o billete olímpico e despois a Federación decidiría o equipo definitivo, pero en Turquía a española caeu en cuartos de final.
Desta forma o equipo nacional de taekwondo contará con tres representantes en Río, xa que a Joel González e Eva Calvo uniuse no preolímpico Jesús Tortosa.