Empate insuficiente para Alondras e Arosa (0-0)
Por Redacción
Segue o Arosa negado ante ao gol, encadeando a súa quinta xornada sen coñecer a vitoria e afastándose cada vez máis dos postos de play-off. Nesta ocasión non pasou do empate sen goles no Morrazo, fronte a un Alondras que tamén necesitaba os tres puntos para tentar remontar posicións, polo que a igualada pódese considerar un mal resultado para ambos.
Pero é que ademais de non gañar, empeza a preocupar a absoluta cegueira arosista ante a meta contraria, a pesar da cantidade de ocasións que xera o equipo, traducidas nun só gol nos últimos cinco partidos.
No Morrazo viuse un duelo de necesitados, non en balde o equipo local tamén chegaba ao partido con catro derrotas consecutivas. O que levou a ambos os contendentes de presentarse como serios candidatos aos postos de honra, a perderse na zona tépeda da táboa, pero xa a unha distancia importante das catro primeiras posicións.
Non foi o mellor partido da tempada de face ao espectador, e é que ningún dos dous equipos logrou ter o control. O Arosa puido adiantarse no marcador na última media hora na que os de Cangas xogaron cun menos no campo, pola explulsión de Miguel Centrón, ao ver dous cartóns amarelos, con todo foron os locais quen tiveron a ocasión máis clara cun remate ao traveseiro.
No primeiro tempo ningún foi capaz de dominar nin de crear xogadas de serio perigo, tan só houbo un par de remates de Cabanyes, que detivo Lorenzo, e outros dous remates sen perigo por parte do Alondras.
Tras o descanso o Alondras comezaba avisando cun remate que tivo que sacar Cardeñosa baixo paus. Coa expulsión de Centrón, a falta de 30 minutos para o final, Piscis deu entrada a Hugo Soto e a Eloy Fariña para potenciar o ataque. Con todo, o Alondras estivo moi ben plantado e non permitiu que os arlequinados creasen perigo. Mesmo puideron levar o triunfo de haber acertado Andrés nun man a man ante Jorge Pérez, a falta de 10 minutos, pero o seu remate foi ao traveseiro.
Relacionadas:
-
O Arosa non pasa apuros para vencer ao pechacancelas Noia (3-0)
Por Redacción |
-
VÍDEO.- Así celebra o Arosa o seu 70 aniversario
Por Redacción |
-
Compraches lotería do Arosa SC? Comproba os teus números
Por Redacción |
-
Nin contra o pechacancelas Ribadeo pode un Arosa ineficaz en ataque (1-1)
Por Redacción |
-
Pacheco, Cardeñosa e Adrián Camiño, coa Selección Galega na Copa de Rexións UEFA
Por Redacción |
-
A falta de puntería na primeira metade condena ao Arosa en Bouzas (2-0)
Por Redacción |