Seguen sen levantar cabeza BM Pontevedra e Poio Artai, que caen (25-32) fronte a BM Cañiza e Calvo Xiria (34-12)
Por Redacción
Sobre o papel BM Pontevedra tiña unha boa oportunidade para sumar a súa segunda vitoria do curso ligueiro coa visita ao Municipal do BM Cañiza, pero os pontevedreses confirmaron o seu irregular arranque ligueiro, sufrindo unha dolorosa derrota (25-32) que parece confirmarlles como claro candidato a ter que loitar por conseguir a permanencia.
A pesar dos prognósticos que sobre o papel daban vantaxe ao equipo pontevedrés, os de Kiko Pazos apenas resistiron máis que os 10 primeiros minutos (6-6). A partir de aí comezou o despegamento visitante, aproveitando a falta de intensidade defensiva do BM Pontevedra, que foi a remolque no marcador en todo momento.
Un primeiro parcial de 0-4 resultaría clave xa que a partir de aí (minuto 16) a diferenza favorable ao BM Cañiza nunca baixaría deses catro goles, cunha máxima vantaxe de oito (22-30) a falta de sete minutos, ata chegar a ese claro e xusto 25-32 final.
Consulta aquí as estatísticas completas do partido.
CONTUNDENTE DERROTA DO POIO ARTAI EN CARBALLO
A andaina do Poio Artai esta tempada vai camiño de converterse nun verdadeiro calvario. Xustos de efectivos, acudiron a Carballo con tan só 11 xogadores para enfrontarse ao Calvo Xiria, que non tivo piedade e endosoulles un severo correctivo con ese 34-12 final que mesmo puido ser máis amplo e que reflicte as dificultades do equipo, non xa á hora de defender, se non especialmente na súa faceta atacante.
Os visitantes aguantaron minimamente o tipo ata o minuto 20 de partido (9-5). A partir de aí comezou o afundimento, cun parcial de 9-2 para os locais no últimos dez minutos antes do descanso, que levaba aos xogadores a vestiarios cun claro 18-7 e o partido máis que resolto.
Non cambiou a decoración na segunda parte. Incluso o Poio baixou o seu rendemento atacante, logrando anotar só cinco goles, mentres o Calvo Xiria non necesitaba empregarse a fondo para ir ampliando distancias.
Relacionadas:
-
BM Pontevedra leva o derbi de necesitados ao impoñerse (20-23) ao Poio Artai
Por Redacción |
-
Sete minutos de descoido colectivo cústanlle o partido ao BM Pontevedra (23-28) ante BM Lalín
Por Redacción |
-
BM Pontevedra acariña a remontada imposible en Coia (29-23) e Poio Artai cae ante Luceros (17-33)
Por Redacción |
-
Derrotas do BM Pontevedra en Lavadores (30-29) e Poio Artai na Seca ante BM Artabro (18-25)
Por Redacción |
-
Apuros do BM Pontevedra para desfacerse do BM Porriño (26-24)
Por Redacción |
-
Duras derrotas de Balonmán Pontevedra (39-19) fronte a OAR Coruña e Poio Artai (8-31) ante Atlético Novás
Por Redacción |