12 horas de diversión BTT en Pontillón do Castro
Por Diego Torrado
A contorna do encoro de Pontillón do Castro, en Verducido, foi durante toda a xornada de sábado unha festa da bicicleta.
Alí disputouse a segunda edición da BTT Pontevedra Non Stop, proba de resistencia que arrancou ás 9:00 horas da mañá.
Máis de 300 ciclistas tomaron parte na proba de resistencia, non competitiva, que consisitía en dar o maior número de voltas posibles ao circuíto de 10 quilómetros.
A maioría de ciclistas conformaron equipos para completar as 12 horas de reto, aínda que houbo 40 valentes que o realizaron individualmente e tamén moitos que optaron pola opción reducida de seis horas.
A organización, a cargo da Roda do Demo, habilitou unha serie de actividades e servizos no Pontillón que completaron unha xornada chea de diversión.