O World Padel Tour pon á venda as entradas para o torneo que se celebrará en Vilagarcía
Por Redacción
Vilagarcía de Arousa e en menor medida Caldas de Reis prepáranse para vivir o mellor circuíto de pádel do planeta entre os días 11 e 18 de outubro.
O World Padel Tour, circuíto mundial, traerá á provincia ás 100 mellores parellas do ranking, masculinas e femininas.
O centro deportivo de Condesa Sport en Caldas de Reis será escenario da fase previa, os días 11, 12 e 13 con entrada de balde para o público.
A competición trasladarase a partir de entón, día 14, ao recinto ferial de Fexdega, en Vilagarcía, onde se instalará unha bancada con capacidade para 2.400 persoas para as roldas finais.
A organización habilitou este luns a venda de entradas para esta fase definitiva, cun prezo de 6 euros o mércores 14 (dezaseisavos de final), 11 euros o xoves (oitavos de final), 22 euros venres e sábado (cuartos e semifinais) e de 17 euros o domingo 18 de outubro, data reservadas para as finais.
As entradas para o Open Galicia poden adquirirse a través da web oficial do Worl Padel Tour: www.worldpadeltour.com.
Relacionadas:
-
Os favoritos non fallan na final do World Padel Tour disputada en Vilagarcía
Por Redacción |
-
Fexdega vibra co inicio da fase final do Open Galicia World Padel Tour
Por Redacción |
-
Alto ritmo na venda de entradas para o torneo do World Padel Tour
Por Redacción |
-
Vilagarcía e Caldas de Reis acollerán en outubro un torneo do World Padel Tour
Por Diego Espiño |