Dobre medalla para o Squash Pontevedra na Copa de España Sub-17
Por Redacción
Grande papel dos deportistas do Squash Pontevedra na Copa de España Sub-17 celebrada no club madrileño Rackets Madrid.
Ata alá desprazouse o equipo pontevedrés con tres dos seus xogadores, Diego Crespo, Pablo Quintana e Gonzalo Romero, e o adestrador Sergio Fernández.
Os resultados acompañaron a todos eles, especialmente a Diego Crespo, que se proclamou subcampión do torneo tras superar duros compromisos, como a semifinal ante o catalán Cristian Romero.
O desgastar sufrido pasoulle factura na final, na que cedeu ante o principal favorito, o madrileño Sergio García.
Pola súa banda Pablo Quintana levouse a medalla de bronce tras caer na semifinal ante García e gañar o partido polo terceiro posto ante Cristian Romero.
Tamén destacou Gonzalo Romero cunha sétima praza malia ter só 15 anos e competir con xogadores de maior idade.
Relacionadas:
-
Pablo Quintana, novo campión de España de squash sub-17
Por Redacción |
-
O Squash Pontevedra, en forma para o Campionato de España
Por Redacción |
-
Xisela Aranda arrinca o ano con nota en Suíza
Por Redacción |
-
El Squash Pontevedra regresa de Tenerife con el título nacional por equipos en categoría femenina
Por Redacción |