O Torneo Internacional de Verán de Tenis de Mesa chega á súa XVII edición convertido en "uno de los mejores de Galicia"
Por Redacción
O pavillón da Cidade Infantil de Príncipe Felipe será escenario a próxima fin de semana, os días 12 e 13 de setembro, do XVII Torneo Internacional de Verán de Tenis de Mesa Monte Porreiro.
Na cita estarán presentes de novo máis de 200 xogadores de clubs de Galicia, o resto de España e Portugal facendo honra á cualificación do torneo como "uno de los mejores de Galicia, tanto en cantidad como en calidad", explica o presidente do Tenis de Mesa Monte Porreiro, Lucho Álvarez.
O sábado o evento contará con horario intensivo, de 9:00 a 21:00 horas, coa competición de veteranos e as destinadas ás categorías de base.
Pola súa banda o domingo, tamén dende as 9:00 horas, será quenda da categoría absoluta.
O torneo foi presentado este martes no Concello de Pontevedra coa presenza do alcalde, Miguel Anxo Fernández Lores, e a deputada provinicial de Deportes, Chelo Besada.