O Peixe Galego pesca na NCAA para pechar o seu xogo exterior
Por Redacción
Nova fichaxe no Peixe Galego, que nesta ocasión centrou a súa atención no mercado universitario estadounidense, en concreto na primeira división da prestixiosa NCAA.
De alí procede Javonte Green, un aleiro de 22 anos, 1,93 metros de estatura e 93 quilos de peso que despuntou no seu último ano universitario, alcanzando 15,4 puntos e 9 rebotes por partido.
Ademais destacou na cifra de roubos (65 en toda a tempada) co seu equipo, o Radford Highlander da cidade de Virxinia, que lle nomeou como o seu mellor defensor do ano.
Green foi o único xogador do seu quipó no cadro de honra da tempada, figurando no segundo equipo ideal do seu distrito.
Con esta incorporación, o Peixe Galego dá por pechada a configuración das posicións exteriores. O xogador buscará en Marín adaptarse ao baloncesto europeo e chega en período de proba de tres meses.
Relacionadas:
-
Varios equipos de LEB, co Peixe Galego á cabeza, plantexan fusionar as categorías Ouro e Prata
Por Diego Espiño |
-
O Peixe Galego toma aire coa firma dun acordo de patrocinio con ENCE
Por Redacción |
-
Novo calendario para Peixe Galego e Xuven na LEB Prata
Por Diego Espiño |
-
Álex Navajas, experiencia de LEB Ouro para reforzar o xogo interior do Peixe Galego
Por Redacción |
-
Equipo galego e de canteira no novo proxecto 'peixe'
Por Redacción | Creada e actualizada