Bronce europeo para Andrés Álvarez e Pablo García en Bulgaria
Por Redacción
Remontada ata o podio do pontevedrés Pablo García e o buenense Andrés Álvarez no Campionato de Europa Júnior de Vela para a clase 420.
En Port Bourgas (Bulgaria), os regatistas do Club de Mar Aguete escalaron nas últimas xornadas da décimo quinta ata a quinta praza, que supón o terceiro posto na clasificación xeral entre os barcos europeos.
Así pois os pontevedrés suman unha medalla de bronce cun resultado de prestixio que avala a gran tempada que están a realizar, na que gañaron o Campionato de Francia, entre outras competicións.
Ademais Andrés e Pablo teñen asegurada a súa presenza no Mundial ISAF que se disputará en Malaisia o próximo mes de decembro, onde buscarán un bo resultado que lles permita seguir crecendo como parella (é o seu primeiro ano xuntos) cara ao seu obxectivo final, subir á clase olímpica 470.
Relacionadas:
-
Andrés Álvarez e Pablo García, do Club de Mar Aguete, acaban décimos no Mundial xuvenil de vela
Por Redacción |
-
Andrés Álvarez e Pablo García avanzan ata as finais do Europeo da clase 420
Por Redacción |
-
Andrés Álvarez e Pablo García triunfan na clase 420 da Copa Internacional de Francia
Por Redacción |