Andrés Álvarez e Pablo García triunfan na clase 420 da Copa Internacional de Francia
Por Redacción
Destacado papel do pontevedrés Pablo García e o buenense Andrés Álvarez na Copa Internacional de Francia de Vela, disputada durante toda a semana na localidade de Arzon.
Os regatistas do Club de Mar Aguete impuxéronse na clase 420, confirmando o seu bo momento, como reflexan os resultados obtidos ao longo da tempada.
Andrés e Pablo foron a mellor das 99 tripulacións participantes de seis países diferentes sobre a base dunha gran regularidade, mostrada dende a primeira xornada de competición.
O triunfo eleva a moral dos pontevedreses de cara ao seu próximo obxectivo, o Campionato de Europa que se vai celebrar en Burgas (Bulgaria) do 8 ao 14 de agosto e no que volverán aspirar a estar entre os mellores.
Relacionadas:
-
Andrés Álvarez e Pablo García, do Club de Mar Aguete, acaban décimos no Mundial xuvenil de vela
Por Redacción |
-
Bronce europeo para Andrés Álvarez e Pablo García en Bulgaria
Por Redacción |
-
Andrés Álvarez e Pablo García avanzan ata as finais do Europeo da clase 420
Por Redacción |
-
Os regatistas do Club de Mar Aguete Pablo García e Andrés Álvarez, prata no Nacional da clase 420
Por Redacción |