Experiencia positiva para o equipo cadete do Waterpolo Galaico no Campionato de España
Por Redacción
Meritorio décimo terceiro posto para o equipo cadete do Club Wáter-Polo Galaico no Campionato de España da categoría que se disputou en Valencia.
O obxectivo que se fixara o club pontevedrés era avanzar ata os cuartos de final, pero tras unha notable primeira fase non tiveron sorte no cruzamento de oitavos, no que se enfrontaron ao potente Canoe madrileño.
Na Piscina Municipal de Nazaret os pupilos de Javi de Sáa arrancaron a competición na fase previa cun empate ante o CW Navarra (10-10) que se decidiu a favor dos navarros nos penalitis e gañaron o seu segundo compromiso ante o Stadium Casablanca de Zaragoza (12-7).
Como segundos de grupo avanzaron ata os oitavos de final, pero o Canoe mostrouse superior acabando coas esperanzas pontevedresas cun claro 18-3.
Xa na loita polos postos 9 ao 16, o Galaico perdeu anye o CN Mataró (5-20) e gañou ao Majadahonda Caude (14-7) e ao CW Turia (10-9).
O equipo do Galaico en Valencia estivo formado por: Pablo Sueiro, Juanjo Roca, Iago Facal, Pedro Fentanes, Luis Mosquera, Artai Poses, Rodrigo Sobral, Aarón Tellería, Rubén Rodríguez, Germán Amoedo, Jacobo Baltasar, Pablo Teijeira e Xian Barros.