Manu Cossío renova como adestrador do Leis Pontevedra FS
Por Redacción
Será a súa terceira tempada á fronte do equipo sénior do Leis Pontevedra FS masculino. Manu Cossío renovou o seu contrato como adestrador de cara á próxima tempada na que o club pontevedrés militará no grupo I da 2ª Division B nacional. Nas dúas tempadas anteriores conseguiu o ascenso a 2ª B, na primeira, e a permanencia na categoría, o pasado exercicio.
Tras esta renovación o técnico pontevedrés declarou sentirse moi ilusionado. Nas súas propias palabras "en esta vida no se puede hacer nada si no hay ilusión". Ao tempo que cualificaba o Leis Pontevedra como a súa casa.
Con respecto aos obxectivos para a tempada 2015/16, o técnico mostrouse moi cauto dicindo que sería a competición a que colocaría a cada un no seu lugar. Se ben o obxectivo é manter a categoría dunha forma máis cómoda que na tempada pasada, o técnico non esconde a súa ambición ao dicir que "si a lo largo de la competición nos vemos en puestos altos no renunciaremos a objetivos mayores".