O Leis e o ADFS Bueu xa coñecen os seus rivais na Segunda B de fútbol sala
Por Redacción
O Comité Nacional de Fútbol Sala fixo pública a composición dos grupos nos que se dividirá a próxima tempada a competición na Segunda B, categoría na que ademais do Leis Pontevedra se estreará o ADFS Bueu tras o seu recente ascenso federativo.
Ambos os dous equipos pontevedreses, que aínda descoñecen a data de inicio da liga -barállase o 19 de setembro-, formarán parte do grupo I xunto co terceiro equipo da provincia, o Bembrive de Vigo e os outros seis galegos: Noia, O Esteo, Pizarras os Tres Cuñados, Ventorillo e os recén ascendidos Xove e Sala Ourense.
Completan o grupo os castelán leoneses Benavente (Zamora), Universidad de Valladolid, Cuéllar (Segovia), Guardo (Palencia), Cistierna (León) e Albense (Salamanca) e o asturiano Boal FS. Serán en total 16 equipos.
Trátase, segundo os expertos, da Segunda B máis interesante dos últimos anos, coa irrupción de varios equipos novos repletos de xogadores novos e de calidade que se unen aos xa coñecidos e con experiencia na categoría.
En principio, mentres que o Bembrive terá como único obxectivo o ascenso de categoría tras quedar ás portas durante dous anos consecutivos, tanto o Leis Pontevedra coma o ADFS Bueu loitarán por lograr a permanencia.
Relacionadas:
-
Derbi entre Leis e ADFS Bueu para comezar na Segunda B de fútbol sala
Por Redacción |
-
Os proxectos de Leis e ADFS Bueu empezan a coller forma
Por Redacción |
-
Manu Cossío renova como adestrador do Leis Pontevedra FS
Por Redacción |
-
Bueu estará a próxima tempada na Segunda B do fútbol sala nacional
Por Redacción |