Miguel Gómez imponse na terceira etapa da Volta a Zamora pero queda a cinco segundos do liderado
Por Redacción
O Super Froiz deu un golpe de man na Volta a Zamora, situándose como líderes na clasificación por equipos e deixando a Miguel Gómez a só cinco segundos do liderado da xeral, tras adxudicarse a etapa raíña da carreira impoñéndose ao sprint ao seu compañeiro de escapada, Iván Martínez, do equipo Mutua Levante, que queda como novo líder.
Ambos os dous corredores chegaron escapados con 2 minutos e 13 segundos de vantaxe sobre o grupo no que viaxaban os favoritos, entre eles o que ata agora era a mellor baza do equipo alimenticio, Martín Lestido.
Esta terceira etapa, a máis dura da rolda con 108 quilómetros de percorrido entre Hermisende e Lubián, estivo presidida polo forte ritmo a pesar das dificultades montañosas, alcanzando unha media de 34,525 quilómetros/hora.
Miguel Gómez acapara tamén a maioría de clasificacións, ao situarse primeiro nas metas voantes e a regularidade.
A cuarta e última etapa discorrerá este sábado entre Moraleja del Vino e Zamora, con 85 quilómetros de percorrido. Será a que decida a vitoria final que, salvo sorpresas en forma de escapada imprevista, parece que a disputarán os dous protagonistas da terceira xornada, o levantino Iván Martínez e o propio Miguel Gómez.
Relacionadas:
-
A Challenge Vuelta a Sevilla, próximo obxectivo do Supermercados Froiz
Por Redacción |
-
Triunfo por equipos do Super Froiz na Volta a Zamora con Miguel Gómez segundo na xeral
Por Redacción |
-
Martín Lestido, principal baza para o Super Froiz no ecuador da Volta a Zamora
Por Redacción |
-
Triunfo do Super Froiz na Volta a Ávila con Miguel Gómez como gañador; Martín Lestido, terceiro
Por Redacción |