Bea Gómez despídese do Nacional de Barcelona cun novo ouro nos 200 metros estilos
Por Redacción
Non se puido despedir mellor Bea Gómez Cortés de los Campeonatos de España de natación que se disputaron dende o pasado mércores nas piscinas Picornell de Barcelona. Fíxoo cunha nova medalla de ouro, a segunda que logra neste Nacional, tras gañar a proba de 200 metros estilos. Con este resultado, a nadadora pontevedresa conclúe con tres medallas, dous oros e un bronce.
A última delas, a dos 200 metros estilos que se colgou este domingo, confirma o bo momento de forma na que se encontra Bea Gómez Cortés tras a recente operación cardíaca á que se enfrontou o pasado mes de maio.
Dominou a proba dende o principio e impúxose parando o crono en 2:15.30, superando a África Zamorano (CN Sant Andreu) e Catalina Corró (CN Palma), que a acompañaron no podio.
Ademais da medalla de ouro nos 400 metros estilos e o bronce nos 800 libres, a deportista do Galaico completou a súa participación no Nacional de Barcelona co oitavo posto no relevo 4x200 xunto a Iria García, Nuria Erselle e Paula Goyanes.
Nesta última xornada do Campionato de España tamén houbo protagonismo para outros compoñentes do equipo que o CN Galaico desprazou estes días á capital catalá.
Águeda Beatriz Cons e Inés Gómez finalizaron no posto 18 e 42 na proba de 400 libres, Paula Goyanes e Lara Gómez Cortés remataron no posto 32 e 46 nos 200 estilos e Daniel Sánchez, nos 200 metros estilos, concluíu na posición 82.
Relacionadas:
-
Bea Gómez, eliminada nos 400 estilos, despídese do Mundial de Kazan
Por Redacción |
-
Bea Gómez, fóra da final dos 800 libre na súa estrea no Mundial de Kazan
Por Diego Espiño |
-
Bea Gómez chega a Kazan para afrontar o reto do Mundial
Por Diego Espiño |
-
Bea Gómez Cortés, primeiro ouro en Barcelona ao proclamarse campioa de España de 400 estilos
Por Redacción |
-
Primeira medalla para Bea Gómez nos Nacionais de natación: bronce nos 800 libres
Por Redacción |