Alassane Sylla deixa o Ribadumia para incorporarse ao Arosa
Por Redacción
O dianteiro Alassane Sylla abandona as filas do Ribadumia para incorporarse ao Arosa SC. O xogador de Senegal, de 23 anos de idade, finalmente defenderá as cores arlequinados nesta próxima tempada.
A súa carreira como xogador empeza en Francia na canteira do PSG. Logo, tras pasar uns anos en Polonia, volve a Francia onde conseguiu chamar a atención dos técnicos do seu país, chegando a xogar coa selección de Senegal Sub 17. De alí chegou a Pontevedra para integrarse nas filas do filial granate, sendo máximo goleador do equipo, o que lle abriu as portas do Ribadumia no que disputou as últimas tres tempadas.
Aínda que as negociacións se manteñen dende hai varios días, a súa fichaxe polo club que preside Manolo Abalo fíxose oficial na tarde deste martes. Tras a firma, Sylla manifestaba a súa satisfacción de fichar polo Arosa: "El Arosa es un club grande y que tiene grandísimos jugadores. Estoy muy contento de fichar y muy ilusionado. Vengo a ayudar en todo lo que pueda para que el equipo pueda mejorar y el Arosa pueda estar lo más arriba posible, pero antes hay que trabajar duro".