Carlos Cabezas e Pepe Pozas visitarán o II Campus Estudiantes Pontevedra de baloncesto
Por Redacción
Por segundo ano a Cidade Infantil Príncipe Felipe acollerá o Campus Estudiantes Pontevedra de baloncesto, unha iniciativa dirixida a nenos entre os 8 e os 18 anos.
Baixo a dirección técnica e coordinación de Cuco Rodríguez, os nenos que acudan ao campus gozarán de adestramentos de tecnificación coa presenza de xogadores da Liga ACB ou adestradores contrastados, ademais de realizar unha serie de actividades de ocio.
Se o ano pasado os xogadores invitados foron Berni Rodríguez e Dani Pérez, esta vez os que compartirán experiencias coas novas promesas pontevedresas son Carlos Cabezas, xogador do UCAM Murcia e campión do Mundo coa Selección Española, e Pepe Pozas, xogador do Obradoiro.
Ademais espérase a visita de técnicos de primeiro nivel, que se anunciarán nos próximos días.
O Campus Estudantes Pontevedra celebrarase entre os días 28 de xuño e 5 de xullo.